Garche sau baar hija..
Garche sau baar hijar se jaan guzri hai,
Phir bhi jo dil pe guzari hai, kahan guzri hai,
Ap thehre hain to thehra hai nizam-e-aalam,
Ap guzre hain to ik mauj-e-rawan guzri hai,
Hosh main aye to batlaye tera deewana,
Din guzaara hai kahan, raat kahan guzri hai,
Aese lamhe bhi guzare hain teri furqat main,
Jab teri yaad bhi dil pe giraan guzri hai,
Hashar ke baad bhi deewane tere poochte hain,
Woh qayamat jo guzarni thi kahan guzri hai,
Zindagi Saif ke liye qaafila armaanon ka,
Maut ki raat se benaam-o-nishan guzri hai..
Saif Uddin
