eknazar - desi lifestyle portal
Global
Advertise | Contact Us
My Account
Colaberry - School of Data Analytics EB5 opportunity Arella on Jones
Aaj Abroun Mein Yeh Rawaan Hai Kya



Aaj Abroun Mein Yeh Rawaan Hai Kya
In Fuhaaroun Ki Daastaan Hai Kya
Un Kee Julfoun Mein Machaltaa Hai Jo
Ya Ilaahee Wahee Toofaan Hai Kya

Apr 19 2016 by Eknazar

Aaj Fir Lab Pai Un Kaa Naam Aaya



Aaj Fir Lab Pai Un Kaa Naam Aaya
Un Kaa Nazrain Uthaanaa Kaam Aaya
Jaantaa Un Ko Koun Tha Kal Tak
Husn-E-Awal Hain Woh Inaam Aaya

Apr 19 2016 by Eknazar

Shikave ke naam se bemehar khafa hota hai



Shikave ke naam se bemehar khafa hota hai
ye bhi mat kah ke jo kahiye to gila hota hai
pur hun main shikave se yun rag se jaise baja
ik zara chediye phir dekhiye kya hota hai
go samajhata nahi par husn-talafi dekho
shikava-e-jaur se sar-garm-e-jafa hota hai
ishq ke reh mein hai charkh-e-makaukab ke wo chal
sust-rau jaise koi aabalapa hota hai
q na thaharen hadaf-e-navak-e-bedad ke hum
aap utha late hain gar tir khata hota hai
khub tha, pahale se hote jo hum apne bad-khvah
ke bhala chahate han aur bura hota hai
nala jata tha pare arsh se mera aur ab
lab tak aata hai, jo aisa hi rasa hota hai

Apr 18 2016 by Mirza Ghalib

Kisi Raste Ki Talash Main



Mere Paoon Chalni Hoe Magaar
Kahin Ruk Saka Na Mera Safar
Meri Narsaii K Hath Maain
Na Chiragh Hai Na Koi Hunar
Kisi Raste Ki Talash Main
Hai Lahoo Lahoo Meri Chashm-E-Tar
Meri Bebasi K Azab Main
Ae Mere Khuda Mere Mautabar
Koi Hamsafar
Koi Hamsafar

Apr 18 2016 by Eknazar

Khuda Ki Talash Hai



Yeh Zara Zara Si Baat Per
Tarha Tarha Ka Azaab Kiyon?

Jo Kisi Say Bhi Khafa Na Ho
Mujhey Us Khuda Ki Talash Hai

Mujhey Laghzishon Pay Her Ghari
Koi Tokta Hay Baar Baar

Jisay Ker K Dil Ko Dukh Na Ho
Mujhey Us Gunah Ki Talash Hai

Bina Humsafar K Kab Talak
Koi Musafaton Main Laga Rahay

Jahan Koi Kisi Say Juda Na Ho
Mujhey Us Raah Ki Talash Hay

Mujhey Daikh Ker Jo Aik Nazar
Meray Saray Dard Samajh Sakay

Jo Is Qadar Ho Chara-e-Gar
Mujhey Us Nigaah Ki Talaash Hay

Apr 15 2016 by Aishwarya

Wo Shakhs



Wo Shakhs 1 Choti Si Bat Pe Yu Rooth Ke Chal Dia..
Jese Use Sadiyo Se Kisi Bahane Ki Talash Thi…..

Apr 15 2016 by Eknazar

Tere gham ko jan ke talash thi tere jan-nisar chal



Raat ke besukun khamoshi mein
ro raha hun ki so nahi sakata
rahaton ke mahal banata hai
dil jo aabad ho nahi sakata

dur shama-e-khayal ke manind
shama vadi ke jhilmilati hai
yas ke beqaran andhere mein
ek umid muskurati hai

dur parabat ke pas charvaha
kho gaya gamfaza taranon mein
bain karati hai ruh-e-zakhmalud
bansuri ke nahif tanon mein

tere jane ka gham bhulata hun
tere aane ke yaad aati hai
haye is bebasi ke aalam mein
kis zamane ke yaad aati hai

shab ko viran rahguzaron se
sar jhukaye hue guzarata hun
qahqahon mein qarar khoya tha
aansuon mein talash karta hun

Apr 14 2016 by Faiz Ahmed Faiz

Tere qarib rahun ya ki dur jaun main



Tere qarib rahun ya ki dur jaun main
hai dil ka ek hi aalam tujhi ko chahun main
main janata hun wo rakhta hai chahaten kitni
magar ye baat use kis tarah bataun main
jo chup raha to samajhega badguman mujhe
bura bhala hi sahi kuch to bol aaun main
phir is ke bad ta’alluq mein fasale honge
mujhe sanbhal ke rakhna bichad na jaun main
muhabbaton ke parakh ka yahi to rasta hai
teri talash mein nikalun tujhe na paun main

Apr 14 2016 by Iftikhar Imam Siddiqui

Teri talash mein hum jab kabhi nikalate hain



Teri talash mein hum jab kabhi nikalate hain
ik ajanabi ke tarah raste badalate hain
daraz ho gam-e-hijran ki hasil-e-hijran
wo hausalen hain jo aagosh-e-gam mein palate hain
rava nahi hai gam-e-ishq is qadar bhi garur
tere bagair bhi duniya ke kam chalte hain
kabhi jo had se badhi un ke yaad to samajhe
ki un ke dil mein bhi kuch valvale machalate hain
shab-e-firaq kuch aisi bhi teergi to nahi
kabhi kabhi sar-e-mizgan charag jalate hain
ab un ke gham se bhi maharum ho na jayen kabhi
wo janate hain ki is gham se dil bahalate hain

Apr 14 2016 by Hafeez Hoshiarpuri

Tum aaye ho na shab-e-intazar guzri hai



Tum aaye ho na shab-e-intazar guzri hai
talash mein hai sahar bar bar guzri hai
junun mein jitani bhi guzri bakar guzri hai
agarche dil pe kharabi hazar guzri hai
hui hai hazarat-e-naseh se guftagu jis shab
wo shab zarur sar-e-ku-e-yar guzri hai
wo baat sare fasane mein jisaka zikr na tha
wo baat unko bahot na-gavar guzri hai
na gul khile hain, na unase mile, na mein pi hai
ajeeb rang mein ab ke bahar guzri hai
chaman mein garat-e-gulachin se jane kya guzri
qafas se aj saba beqarar guzri hai

Apr 13 2016 by Eknazar

FunAsia Cosmos Big Banner


© 2000-2018. All rights reserved eknazar.com
Legal  |   Privacy  |   Advertise   |   Contact Us