eknazar - desi lifestyle portal
New York
Advertise | Contact Us
Sullivan University Time Warner Cable Home Phone
Aey Paak Watan



Aey Pak Watan Jab Bhi Tu Ne Pukara
Hum Barh Kar Badal Daingay Burray Waqt Ka Dhara

Niklain Gay Kafan Baandh K Sar Pe Teray Betay
Goonjay Ga Arsh Pe Teray Naam Ka Na’ara

Hum Teri Mohabbat Ki Qasam Khaye Huwaye Hain
Aey Pak Watan Tu Humain Jaan Se Piyara Hai

Yeh Shehar, Yeh Karriye, Yeh Gulistan, Yeh Bahaarain
Jannat Se Fuzoon Tar Teray Sehraa Ka Nizara

Bin Teray Apna Koi Thikana Bhi Nahi Hai
Bin Teray Kahan Dhoondnay Jayengay Sahara

Hai Meray Liye Takhat E Sulemaan Teri Mitti
Hai Mujh Ko Teri Khaak Ka Bhi Sitara

Feb 05 2016 by eknazar

Qarz



Hum Khoon Ki Qistain Tow Bohat De Chukay Lakin
Aey Khaak E Watan!!! Qarz Ada Kiyun Nahi Hota

Feb 05 2016 by eknazar

Meray Watan



Bus Iss Khayaal Se Zinda Hain , Tu Humara Hai
Jo Tu Raha Na Tow Kuch Nahi Rahay Ga Jeenay Main
Meray Watan!!! Tujhay Kaisay Yeh Dhoop Chatay Gi
Hazaar Maa’on K Anchal Hain Teray Seenay Main

Feb 04 2016 by eknazar

Yaad E Watan



Hum Bhi Araam Utha Saktay Thay Ghar Pe Reh Kar
Hamain Bhi Paala Tha Maa Baap Ne Dukh Seh Seh Kar

Waqt E Rukhsat Unnhain Itna Bhi Na Aye Keh Kar
Goud Main Ansu Jo Tapkay Rukh Se Beh Kar

Ussay Hi Tifal Samajh Lena Ji Behlanay Ko
Hum Ne Jab Wadah E Ghurbat Main Qadam Rakha Tha

Doour Tak Yaad E Watan Ayee Thi Samjhanay Ko

Feb 04 2016 by eknazar

Tu Watan Ki Aabro Hai



Yeh Hawaon K Musafir , Yeh Samundaron K Raahi
Meray Sir Bakaf Mujhahid , Meray Sar Shikan Sipahi

Yeh Tera Yaqeen Mehkam , Teri Himmaton Ki Jaan Hai
Teray Bazo’uon Ki Kuwwat Teray Azm Ka Nishaan Hai

Tu Hi Raah , Tu Hi Manzil , Tu Hi Meer E Karwaan Hai
Yeh Zameen Teri Hai , Yeh Jahaan Tera Jahaan Hai

Tu Watan Ka Pasbaan Hai , Teray Haath Main Hai Shaahi
Meray Sir Bakaf Mujhahid , Meray Sar Shikan Sipahi

Teri Abro’uon Ki Junbash Teri Ankh Ka Ishaarah
Teray Dushmano Ki Aafat , Teray Qehar Ka Ishaarah

Tu Watan Ki Aabro Hai , Tu Watan Ka Hai Sahaarah
Iss Aabro Se Chamka Iss Dais Ka Sitaarah

Yehi Bankapan Hai Tera , Yehi Teri Kaj-Kalaahi
Meray Sir Bakaf Mujhahid , Meray Sar Shikan Sipahi

Feb 03 2016 by eknazar

Watan Parasti



Nahi Sirf Jashn Manana,
Nahi Sirf Jhande Lehrana,
Yeh Kaafi Nahi Hai Watanparasti,
Yadon Ko Nahi Bhulana,
Jo Qurbaan Hue,
Unke Lafzon Ko Aage Badhana,
Khuda Ke Liye Nahi ..
Zindagi Watan K Liye Nibhana..

Feb 03 2016 by eknazar

Mera Bharat Dukhi Hai



Kyun Aaj Mein Dukhi Hun,
Mujhe Gham Kiska Sata Raha Hai.
Uss Mor Par Jo Andhra Chaya Hai,
Kyun Mujhe Woh Daraa Raha Hai
Kyun Unchayiyana Mere Mulk Ki,
Mujhe Khokhli Dikhai De Rahi Hain,
Kyun Woh Jo Gehra Ander Sama Raha Hai
Woh Hai Meri Zami Ka Dil
Jo Aaj Dukh Mana Raha Hai,
Noch Rahe Hai Zamane Wale,
Har Ek Apna Jeevan Sawar Raha Hai
Mere Mulk Ka Kya Hoga Ae Jan..
Mera Bharat Dukhi Hai , Dukh Mana Raha Hai.

Feb 02 2016 by eknazar

Desh Bhakti



Nikle Hai Veer Jiya Le Yun Apna Seena Taane
Has Has Ke Jaan Loota Ne Azad Savera Laane
Marke Kaise Jeete Hai Is Duniya Ko Batlana
Tere Lal Chale Hai Maiye Ab Teri Laaj Bachane
Marke Kaise Jeete Hai Is Duniya Ko Batlana
Tere Lal Chale Hai Maiye Ab Teri Laaj Bachane
Azadi Ka Shola Banke Khoon Rago Mein Dola

Din Aaj Ka Bada Suhana Mausam Bhi Bada Sunehra
Hum Sar Pe Bhand Ke Aaye Balidano Ka Yeh Saehra
Betaab Hamare Dil Mein Ek Masti Si Chaayi Hai
Aaye Desh Alvida Tujhko Kehne Ki Gadi Aayi Hai
Mehke Gaye Teri Fiza Mein Hum Banke Hawa Ka Jhoka
Kismat Walo Ko Milta Aise Marne Ka Mauka
Nikli Hai Barat Saja Hai In Gulab Ka Dola

Feb 02 2016 by eknazar

Baapu or Bhagat Singh



Chadhte Suraj Ko, Salaamii Sab Ki Milti Hain
Gardish Men Ho Taare, Koii Paani Nahii Detaa

Jawaan Jismon Ki Raahon Men Sabhii Palken Bichaate Hain
Koii Bebas Budhaape Ko, Sahaara Kyon Nahii Detaa

Daulat Ke Dhaagon Se Bandhe Hain Ab To Sab Riste
Muflis Kii Mayyat Ko, Koii Kandha Nahii Detaa

Naa Kar Insaaf Kii Baaten,Yahan Mujrim Hii Munsif Hai
Baapu Or Bhagat Singh Ko Koii Jiine Nahii Detaa

Apne Nayan Kaa “Neer” Hii Piitaa Rahaa Hun Main
May^kadon Men Ab, Koii Piine Nahii Detaa

Feb 02 2016 by eknazar

Is Dharti Par Paida Hokar Bhi Kyu Tum



Videsho Mein Jaakar Bas Jaate Ho
Apne Desh Ko Bhulkar Angrezo Ki Seva Karaate Ho

Kya Isi Ko Tum Sapno Ka Bharat Batate Ho
Gandhi, Subhash Ne Dilai Azzadi

Humko Fir Bhi Alexander Ko Great Batate Ho
Shahjahan Ne Banaya Taj Mahal To Kyu

Statue Of Liberty Ko Dekhte Reh Jaate Ho
Kya Isi Ko Tum Sapno Ka Bharat Batate Ho

Feb 01 2016 by eknazar

horizontravelbigbanner FunAsia


© 2000-2015. All rights reserved eknazar.com
Legal  |   Privacy  |   Advertise   |   Contact Us